Quebecenses (Francogallice: Québécois) sunt natio hominum Francogallice loquentium qui provinciam Quebec in Canada habitant. Nonnulli Canadienses Anglice loquentes nationem Quebecensem exstare negant. Nihilominus, die 27 Novembris 2006, domus inferior Parlamenti Canadiensis nationem Quebecensem publice recognovit[1][2], etsi haec agnitio nulla vi legali praedita est. Multi Quebecenses se non habent integram civitatis Canadensis partem, ideoque Quebecenses vocari malunt, quamquam agnoscant se esse Canadienses de iure tantum.